सभामुख ओनसरीले बराललाई शपथ खुवाइन्

काठमाडौँ, १४ असोज । सभामुख ओनसरी घर्तीले व्यवस्थापिका–संसद् कृषि तथा जलस्रोत समितिका नवनिर्वा्चित सभापति मोहनप्रसाद बराललाई आज पद तथा गोपनीयताको शपथ गराएकी हुन् ।
सभामुखको कार्यकक्ष सिंहदरबारमा आज आयोजित समारोहमा नवनिर्वा्चित सभापति बरालले शपथ लिएका हुन् ।
नेकपा (माओवादी केन्द्र)का सचेतक सीता नेपाली प्रस्तावक र नेकपा (एमाले)का काशीनाथ अधिकारीको समर्थनमा उम्मेदवारी दिनुभएका उनी बिहीबार निर्विरोध सभापति पदमा चयन भएका हन् । mohan
नेपाली काँग्रेसका तर्फबाट सिन्धुली क्षेत्र नं २ बाट व्यवस्थापिका–संसद्मा प्रतिनिधित्व गर्दै आउनुभएका सभापति बराल यसअघि अर्थसमितिको सदस्य थिए ।
सिन्धुलीको रानीवास स्थायी घर भएका बरालले २०३९ सालबाट राजनीति यात्रा आरम्भ गरेका हुन् । उनले लामो समयसम्म प्राध्यापन गरेका थिए ।
मुलुकमा लोकतन्त्र स्थापनाका लागि भएका विभिन्न आन्दोलनमा सक्रिय हुँदा पटक पटक गरी उनले एक वर्ष जेल जीवन बिताएका थिए ।
यसअघि उक्त समितिको सभापतिको जिम्मेवारी गगनकुमार थापाले वर्तमान मन्त्रीपरिषदमा स्वास्थ्य मन्त्रीभएसगै सभापति पद रिक्त भएको थियो ।
नव निर्वा्चित सभापति वरालले आजै सिहदरवारस्थित समितिको सचिवालयमा आफनो पदभार सम्हालेका छन् ।