विधानको पालना भएमात्र पार्टी विधिसम्मत चल्छ – नेता सिंह

काठमाडौँ, असोज १४ – नेपाली काँग्रेसका नेता प्रकाशमान सिंहले विधानलाई अक्षरशः पालना गरेमात्र पार्टी विधिसम्मत चल्ने बताए ।

नेपाली काँग्रेस काठमाडौँ क्षेत्र नं १ ले आज यहाँ आयोजना गरेको चियापान तथा शुभकामना आदानप्रदान कार्यक्रममा नेता सिंहले पार्टीलाई विधानसम्मत चलाउन नेतादेखि कार्यकर्ताले विधानको पालना गर्नुपर्ने बताए ।

सिहले भने “पार्टी विधानसम्मत चलेमात्र अरु पार्टीसँग प्रतिस्पर्धा गर्न सजिलो हुन्छ ।” उहाँले पार्टी्भित्रका तिक्ततालाई बिर्सेर स्थानीय निर्वाचनमा लाग्न आग्रहसमेत गरे ।

पूर्वउपप्रधानमन्त्री तथा स्थानीय विकास मन्त्रीसमेत रहएका नेता सिंहले कार्यकर्तालाई स्थानीय विकास निर्माणका कार्यमा जुट्न निर्देशन दिए ।

सिहले मुलुकले राजनीतिक क्रान्ति पूरा भइसकेको भन्दै दलहरु मिलेर अब आर्थिक क्रान्तिमा लाग्नुपर्नेमा जोड दिए ।