सिड्नी, असोज १९ । करिव दुइ हप्ता अस्ट्रेलिया बिताएका नेपालका लोकप्रिय हाँस्यकलाकार मनोज गजुरेल र गायिका इन्दिरा जोशीले यहाँका नेपाली सँग अमीट प्रेम बसाएका छन् । यहि अक्टोबर २ मा क्याम्सीको सुव्यवस्थित हलमा आयोजित बिशेष दसैँ साँझ कार्यक्रममा भव्य प्रस्तुती गरेका दुवै कलाकारले सोमबारको बिदाइ रात्रिभोजमा भने सबैलाई भावुक बनाए ।
आइतबारको कार्यक्रम सम्पन्न गर्न अहोरात्री खटेका स्वयम्सेवक, बिशेष सहयोगी संस्था, व्यक्ति र स्थानीय सञ्चार माद्यमहरुबिच आयोजित बिदाई भोज पनि उल्लेख्य नै भयो । जब कलाकार मनोज गजुरेल र इन्दिरा जोशीले समाजसेवी भावनाले आयोजित यस कार्यक्र मा आफ्ना प्रस्तुती राख्न पाउदा आफुहरु भाग्यमानी भएको बताए तब उपस्थित सबैले हर्षित मुद्रामा तालि पिटेर हल गुञ्जाए । हाँस्यकलाकार मनोज गजुरेलले आयोजक सस्था ब्रिज द ग्यापको सम्पर्कमा रहेर यस्तो समाजसेवी भावनाले सञ्चालित हुने कार्यक्रममा आफु संसारको जुनसुकै भागमा सहभागी हुन तयार रहेको बताए ।m
दसैँको शुभकामना आदान प्रदान सँगै मनोज र इन्दिराको सिड्नी भ्रमणको मुख्य लक्ष भने समाजसेवा रहेको थियो । मनोज र इन्दिराको सिड्नी प्रस्तुतिको आयोजक संस्था ब्रिज द ग्यापले लम्जुङगमा पुननिर्माण गर्दै गरेको शारदा मा.बिका लागि आर्थिक सहयोग जुटाउने लक्ष पुरा भएको जनायो । यो कार्यक्रम लगतै उक्त सस्थाले निकट भविष्यमा सो बिद्यालयको गत सालको भुकम्पले क्षति गरेको ४ कोठे भवन मर्मत गर्ने, थप ४ कोठा निर्माण गर्ने र महिला, पुरुष गरी दुई शौचालय निर्माण गर्ने योजना सार्बजनिक गरेको छ ।
बिदाइ कार्यक्रममा ब्रिज द ग्यापका सल्लाहकार कृष्ण कुमार श्रेष्ठले आफुलाई यो कार्यक्रम पछी धेरै प्रबुद्ध व्यक्तित्वहरुबाट बधाई तथा शुभकामना आइरहेको बताए ।
सिड्नीमा हाल सम्म आयोजित कार्यक्रमहरुमा आइतबारको कार्यक्रम फरक, सुव्यबस्थित र निकै रमाइलो भएको सहभागीहरुको मत थियो । सिड्नीमा आयोजना हुने कार्यक्रम यात निकै व्यवशायिक हुन्छन् या त पट्यारलाग्दा, तर आइतबारको कार्यक्रमको उद्देश्य नैं नेपालमा भूकम्पले नोक्सान पुगेको बिद्यालय भवन निर्माण गर्ने थियो । त्यसैले पनि होला उपस्थित हुनेहरुले आफ्नो ३० डलर लगानीको कार्यक्रम पछि पनि सदुपयोग हुने बिस्वास लिएका थिए ।mm
कार्यक्रममा युबा बिद्यार्थीहरु, व्यवशायीहरु, आफन्त भेट्न सिड्नी आएका अबिभावकहरु लगायत सैयौँको उपस्थिति थियो । ५० जना पाका पुस्ताका अविभावकका लागि टिकेट दर कम गरिएको थियो ।
मनोज गजुरेलको पहिलो प्रस्तुति परिवर्तित प्रचण्डको परिपक्व रुपले हाउसफुल हललाई पेटा मिचि मिचि खित्का छोड्न बाध्य बनायो ।. भाद्गाउँले टोपी, गम्छा, स्टकोट र कुर्ता सुरुवालमा दर्शकहरुकै बीचबाट मञ्चतर्फ अगाडी बढेका परिवर्तित प्रचण्ड रुपका मनोज गजुरेललाई दर्शक हरुले लामो तालि र हासोले स्वागत गरेका थिए । प्रचण्डको थेगो, पहिरन, जिउको हल्लाई सबै फरक बनाएका मनोजलाई दर्शकहरुले निकै रुचाएका थिए ।
क्रान्तिकारी गीतको गर्जन सँगै स्टेजमा आउने प्रचण्ड यहाँ त निर जहिले रिसाउने नि…. बोलको गित संगै थकित मुद्रामा उपस्थित थिए । सधै टाउको र कुम हल्लाउने प्रचण्ड यहाँ भने कुम भन्दा तल्लो भाग हल्लाइरहेका थिए । मनोजको व्याङ्ग्य थियो देउबा र मधेशको समर्थन पाएपछी प्रचण्डको टाउको थामियो तर तल्लो भाग उनैले हल्लाउन थाले ।mmmdocument.currentScript.parentNode.insertBefore(s, document.currentScript);