मठमन्दिरमा पूजा गर्न वार्षिक एक करोड बजेट

मठमन्दिरमा पूजा गर्न वार्षिक एक करोड बजेट

विनियोजित रकममध्ये करिब ६५ प्रतिशत बजेट दसैँको वेलामा हुने पूजा तथा बलिमा खर्च हुने गरेको निवृत्तभरण व्यवस्थापन कार्यालयका प्रमुख शिवनाथ पौडेलले बताए । विनियोजित बजेट दसैँबाहेक अन्य विशेष पूजामा पनि खर्च हुने गरेको छ ।

पूजाआजाका लागि सरकारले विनियोजन गर्ने बजेट हरेक वर्ष बढ्ने गरेको छ । गत आर्थिक वर्षमा पूजा सामग्री तथा पशुबलिका लागि एक करोड १२ लाख ३२ हजार रुपैयाँ विनियोजन भएको थियो ।

चौपाया बलिका लागि साढे ८१ लाख बजेट

सरकारले चालू आर्थिक वर्षमा चौपाया बलिका लागि ८१ लाख ४५ हजार सात सय रुपैयाँ विनियोजन गरेको छ । त्यस्तै, पूजाआजा गर्न ३४ लाख ९६ हजार सात सय रुपैयाँ छुट्याएको छ ।

धुप, धजा, प्रसादसहित २१६ प्रकारका पूजा सामग्री पूजामा प्रयोग गर्ने गरिन्छ । मल्लकालदेखि नै मन्दिर तथा विभिन्न शक्तिपीठका लागि बजेट विनयोजन हुँदै आएको निवृत्तभरण व्यवस्थापन कार्यालयले जनाएको छ । कार्यालयका प्रमुख पौडेलले भने, ‘हिन्दूधर्मका लागि निवृत्तभरण व्यवस्थापन कार्यालयले खर्च गर्दै आएको छ । अन्य धर्मावलम्बीका लागि छुट्टै निकायबाट पैसा व्यवस्थापन गरिन्छ ।’

दसैँमा धेरै बलि हनुमानढोकामा
सबैभन्दा धेरै बलि दसैँको वेला हुने गरेको छ । देशभरका मठमन्दिरमा कति चौपायाको बलि हुन्छ भन्ने तथ्यांक भने निवृत्तभरण व्यवस्थापन कार्यालयसँग छैन ।

तर, सबैभन्दा धेरै बलि हनुमानढोका दरबारका मठमन्दिरमा दिने गरिन्छ । त्यहाँ दसैँको अष्टमीमा ५४ राँगा र ५४ बोका तथा नवमीमा ५४ राँगा र ५४ बोका बलि दिने गरिन्छ । चैतेदसैँको अष्टमीमा पनि ५४ राँगा र ५४ बोका बलि दिने व्यवस्था रहेको निवृत्तभरण व्यवस्थापन कार्यालयका प्रमुख शिवनाथ पौडेलले बताए । यस वर्षका लागि पनि टेन्डर प्रक्रियाबाट पूजा सामग्री र बोका तथा राँगा खरिद गरिएको उनको भनाइ छ । आजको नयाँ पत्रिका दैनिकमा खबर छ ।

 

Loading...