गोवा प्रतिक्षालयमा भएको दुलर्भ भेट फेसबुक र ट्विटरमा

काठमाडौँ–भारतको गोवामा प्रधानमन्त्री पुष्प कमल दाहाल प्रचण्ड, भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङबीच शनिबार भएको त्रिपक्षिय अनौपचारिक भेटवार्ता सामाजिक सञ्जालमा बहसको विषय बन्यो ।
ट्विटर र फेसबुकको टाइमलाइनमा शनिबार भएको अनौपचारिक त्रिपक्षिय भेटघाटको पक्ष र विपक्षमा दिनभर बहस भइरह्यो ।

कतिले यसलाई नेपालको ‘कमजोर कुटनिति’को रुपमा चित्रण गरे भने कतिले यसलाई ‘सबल’ ।

नेपालको कमजोर कुटनिति भन्ने जति थिए त्यति नै थिए दुई ठुला देशका नेताबीच बसेर प्रधानमन्त्री प्रचण्डले महत्व बढाए भन्ने पनि त्यतिनै थिए । कुटनितिमा निकै दुर्लभ मानिने यस्तो दृश्यलाई परराष्ट्र मामिला जानकारहरुले अर्थपुर्ण रहेको प्रतिक्रिया दिएका छन् । आजको नागरिक राष्ट्रिय दैनिकमा खबर छ ।