कांग्रेस हार्नुमा शेरबहादुर देउवा देखि … सम्मका शिर्ष नेताहरु दोषी हुन् – गगन थापा

पहिले बिचरा शेरबहादुर तर अहिले थुक्क शेरबहादुर

प्रकाशित मिति : : आइतवार, मंसिर २४, २०७४

पहिले बिचरा शेरबहादुर तर अहिले थुक्क शेरबहादुर

काठमाडौँ । नेपाली काङ्ग्रेस अहिलेको अबस्थामा आइपुग्न निम्न लिखित नेता जिम्मेवार रहेको भनि गगन थापाले आफ्नो फेसबुक वालमा शेयर गरेका छन् । यी नेताले गर्दा कांग्रेसले अहिलेको परिणाम भोग्न बाध्य रहेको उहाको आरोप छ ।

१. गिरिजाप्रसाद कोइराला, २.कृष्णप्रसाद सिटौला, ३.शेरबहादुर देउवा।

गिरिजा किन?

नेपाली कांग्रेस भनेको एक मध्यम बर्गिए नेपालीलाइ प्रतिनिधित्व गर्ने पार्टी हो । धर्म ,संस्कृतिलाइ संरक्षण गर्ने पार्टी हो तर गिरिजाले कांग्रेसलाई के बाट के बनाए ? प्रथम रास्ट्रपतिको लोभमा राजतन्त्र र हिन्दुरास्ट्रबाट पार्टीको बिधानलाई उल्टाएर गणतन्त्र र धर्म निरपेक्ष बनाए , यसबाट धर्ममाथी आस्था राख्ने सम्पूर्ण ब्यक्तीको आस्था काङ्ग्रेसबाट खुस्कियो , नेवार , बाहुन र छेत्रीहरुलाइ कांग्रेसले टिक्न दिएन । कांग्रेस आफ्नो एजेण्डामा चलेन ,माओवादीको एजेण्डामा चल्यो ।देशभर कम्युनिस्टको एजेन्डा स्थापित भए पछि अहिलेको ताजा मतपरिणाम आउनु स्वभाविक हो ।

२.सिटौला किन?

धर्म निरपेक्ष नेपाल बनाउन प्रचण्डलाई त्यति हतारो थिएन होला जति सिटौलालाइ थियो । राजा हटाउन यति जोडबल गरे कि नया राजा उनै हुँदैछन । गिरिजाबाबुको प्रीय पात्र भन्दै गिरिजा बाबुलाइ बहकाउने र कांग्रेसको नीति परिवर्तन गराउन लागि पर्ने यिनै हुन। सच्चा काङ्ग्रेसीले सिटौलालाइ अहिलेको अबस्थामा कहिले माफ गर्न सक्ने छैनन। फलस्वरूप अहिले उनी तिनै राजाको पार्टीको राजेन्द्र लिङ्ग्देलसंग हार्दैछ्न। झापामा पनि अहिलेको चुनावमा प्रत्यक्षमा चुनाव नलडी समानुपातिकमै बसिरहेका भए सायद नतिजा झापा भरी अर्कै हुन्थ्यो होला तर उनिले आफ्नो स्वार्थ पूर्तिका लागि पार्टीलाई हराए।

३ . पहिले बिचरा शेरबहादुर तर अहिले थुक्क शेरबहादुर

शेरबहादुर देउवा यस्ता पात्र हुन जस्ले सत्ताको लागि पार्टी देखि सडक सम्म बिद्रोह गरे । कोइरालाको बिरासतको समापन नभै कहिले अवसर पाइन भनेर रोएर हिडे तर जब उनी पार्टी सभापति भए उनिले कोइराला नभए पार्टी नचल्ने प्रमाणित गरेर देखाइदिए । जब उनी सभापति थिए परिवर्तन धेरै अघि पुगिसकेको थियो त्यसैले उनलाइ सिटौला र गिरिजाप्रसाद जस्तो पार्टीको लाइन बिपरित गएको भन्न मिल्दैन तर आफ्नो साझा सबालको रिस , पत्नीप्रेमको कारण सधै पार्टीलाई युवापुस्ताको अगाडि अलोकप्रिय बनाए ।

यति मात्र नभै सकिन लागेको माओवादीलाई स्थानीय चुनावमा तालमेल गराएर काङ्ग्रेस भन्दा मजबुत बनाए र बामपंथी एकता पछि पनि कुनै चुनावी रणनीति नबनाइ अघि बडे ।कम्तिमा हिन्दुरास्ट्रको मुद्दा लिएर चुनाबमा गएको भए अहिले बामपंथि लगभग पत्तासाफ हुन्थे तर उनले त्यसो गरेनन किनकि कांग्रेसिलाइ कम्युनिस्टको एजेन्डामा चल्ने बानी परेको छ ।