अन्तत : माओवादीबाट महरालाई सभामुख बनाउने निर्णय, एमालेको प्रस्ताव माओवादीले मानेन

प्रकाशित मिति : : शुक्रबार, फाल्गुन २५, २०७४

फागुन २५, काठमाडौं । माओवादी केन्द्रका कृष्णबहादुर महरालाई नै सभामुख बनाउन माओवादी केन्द्रले निर्णय लिएको छ । यस अघि एमालेका सुवास नेम्वाङलाई सभामुख बनाउन एमालेले प्रस्ताव गरेको थियो तर माओवादीले भने उक्त प्रस्तावलाई अस्विकार गर्दै महारालाई नै सभामुख बनाउने निर्णय गरेको हो ।

 

माओवादी केन्द्रको केहि बेर अघि बसेको बैठककले नेता महरालाई सभामुखको उम्मेदवार बनाउने निर्णय गरेको हो । यस संगै उनिनै सभामुख बन्ने पक्का भएको हो । पुर्व सहमति अनुसारनै राष्ट्रपति र प्रधानमन्त्री आफुले राखेर एमालेले माओवादीलाई सभामुख दिने सहमति जनाएको थियो तर बिहिबार एमालेले पुर्व सभामुख सुवास नेम्वाङलाई सभामुख बनाउन माओवादीसँग प्रस्ताव गरेको थियो । तर माओवादी बैठकले महरालाईनै उम्मेदवार बनाउने निर्णय लिएपछि एमाले ब्याक हट्ने भएको छ ।

एमालेले राष्ट्रियसभा अध्यक्ष माओवादीलाई दिएर सुवास नेम्वाङलाई सभामुख बनाउन चाहेको थियो । जसको लाग बिहिबार र आज शुक्रबार विहानसम्म पनि लबिङ गरेको थियो । तर माओवादी केन्द्रले उक्त प्रस्ताव अस्विकार गरेको छ । एमालेले सभामुखमा पनि आकांक्षा देखाएपनि माओवादी नेताहरुले बिरोध जनाएका थिए । उनीहरुले सबै प्रमुख पद एमालेलाई दिएर माओवादी केन्द्र भूमिका बिहिन बन्न नहुने भन्दै बिरोध गरेका हुन् ।