ओलीलाई पत्तै नदिई प्रचण्डले भट्टराई र यादवसंग नयाँ गठबन्धन बनाउदै

प्रकाशित मिति : : शुक्रबार, बैशाख २१, २०७५

oli-prachanda

वैशाख २१, काठमाण्डौ । नेकपा माओवादी केन्द्रका अध्यक्ष प्रचण्ड, नयाँ शक्ति नेपालका संयोजक डा. बाबुरामा भट्टराई र संघीय समाजवादी फोरम नेपालका अध्यक्ष उपेन्द्र यादवबिचको भेटवार्ता बाक्लिएको छ ।

नेकपा एमालेका अध्यक्ष केपी ओलीसँग एकताका लागि सघन वार्ता चलिरहेका बेला माओवादी अध्यक्ष प्रचण्ड नयाँ रणनीतिमा लागेको बुझिएको छ ।

एमालेसँग पार्टी एकता गर्न लागेका प्रचण्ड आफूले भनेअनुसार नहुने आशंका बढेपछि नयाँ गठबन्धनको तयारीमा लागेका हुन् । यसैका लागि प्रचण्डले आफ्नै निवासमा भट्टराई र यादवलाई बोलाएर शुक्रबार विहान एक घण्टा छलफल गरेका थिए ।

अहिले एकता गर्ने प्रक्रिया चलिरहँदा प्रचण्डले आफ्नो पार्टीलाई फाइदा नहुने देखेपछि भट्टराई र यादवसँग छलफल गरेर कस्तो रणनीति बनाउने भन्ने गृहकार्यमा लागेका हुन् ।

शुक्रबार विहान प्रचण्ड निवासमा तीन नेताको एक घण्टा बैठक चलेको थियो । बैठकपछि ऋषि धमलासँग कुरा गर्दै यादवले समसामयिक राजनीतिका बारेमा छलफल गरिएको बताए ।

एमालेले एकता गर्ने भन्ने तर माओवादीले भनेजस्तो सम्मानजनक वा बराबरी हैसियतमा व्यवस्थापन नगर्ने आशंका प्रचण्डले गरिरहेका बेला भट्टराई र यादवसँगको भेटलाई अर्थपूर्ण रुपमा हेरिएको छ ।