काठमाडौँ । बजारमा प्याजको मूल्य घटेको छ । चीनबाट प्याज आयात भएसँगै ब्याजको मूल्य घटेको हो । कालीमाटी फलफूल तथा तरकारी बजार विकास समितिका अनुसार एक महिना अगाडिको तुलनामा सुकेको प्याजको औसत मूल्य १९ प्रतिशतले घटेको छ ।
गत मंसिर १५ गते एक किलो प्याजको मूल्य ९७ रुपैयाँ थियो भने हाल घटेर प्रतिकिलो प्याजको मूल्य ८० रुपैयाँ पुगेको छ । कालीमाटी बजार समितिको दैनिक मूल्यसूची अनुसार आज भारतीय सुकेको प्याजको न्यूनतम मूल्य ८० रुपैयाँ प्रतिकिलो छ । यस्तै, चाइनिज प्याजको मूल्य ६७ रुपैयाँ प्रतिकिलो छ ।
आपूर्ति बढी भएमा प्याजको मूल्य घट्ने गर्छ । हालको लागि उल्लेख्य आपूर्ति नभए पनि पछिल्लो समय केही प्याज भारतको खुल्ला सिमानाबाट आयात गर्ने, चीनबाट पनि केही आपूर्ति भएकाले प्याजको मूल्य घटेको समितिका सूचना अधिकारी विनय श्रेष्ठले बताए ।
