चैत २० देखि जारी शिक्षक अन्दोलनका क्रममा शिक्षकहरूले सडकमा भएको फोहोर आफैँ सफा गर्दै आएका छन् । प्रदर्शनका लागि हरेक दिन ५००० भन्दा बढी शिक्षक माइतीघर भेला भएर बानेश्वर जाने गरेका छन् ।
गर्मीमा आन्दोलन गर्न बसेपछि तिर्खा लाग्ने भोक लाग्ने त भैनैहल्छ । तिर्खा लाग्दा पानी पिएपछि पानीको बोतल एउटा झोलामा राख्ने र खाएपछिको प्लास्टिकहरु पनि फोहोर नगरी एउटा झोलामा थुपार्ने गरेका छन् ।
यदि कसैले जथाभावी फोहोर गरेको छ भने उसलाई सम्झाउँदै फोहोर सफा गरेको दृश्य आन्दोलनमा देख्न सकिन्छ । आन्दोलनमा आएका शिक्षकलाई मात्र होइन, पत्रकार, सर्वसाधारण, प्रहरी लगायतलाई बोटबिरुवा भएको ठाउमा नजान अनुरोध गरेको दृश्य पनि देखिन्छ । हजारौँको उपस्थिति हुँदा पनि बोट बिरुवा नमासी, फोहोर नगरी आफ्नो प्रदर्शन गरेकोमा काठमाडौं महानगरपालिकाका मेयर बालेन्द्र शाहले आफ्नो सामाजिक सञ्जालमार्फत शिक्षकलाई धन्यवादसमेत दिएका थिए ।
नेपाल फोटो लाइब्रेरी
