ललितपुरको सातदोबाटोस्थित कल सेन्टरमा प्रहरीको केन्द्रीय अनुसन्धान ब्युरो (सीआईबी) ले छपा मारेको छ। सोमबार राति छापा मारेर सीआईबीले त्यहाँ कार्यरत कर्मचारी र सञ्चालक गरी ५३ जनालाई फक्राउ गरेको हो। पक्राउ पर्नेमा दुई जना भारतीय नागरिक र अरु नेपाली रहेका सीआईबीका निर्देशक एआईजी दीपक थापाले जानकारी दिए।
कल सेन्टरका नाममा त्यहाँ अवैध काम भएको हुनसक्ने प्रहरीको अनुमान छ। कल सेन्टरमा रहेका ८५ वटा ल्यापटप र ८२ वटा मोवाइल पनि प्रहरीले नियन्त्रणमा लिएको छ। कल सेन्टर भनेर भित्र अनलाइन जुवा लगायत अवैध गतिविधि गरेको प्रहरीको अनुमान छ। थप अनुसन्धानका लागि मंगलबार अदालतबाट अनुमति लिने सीआईबीको तयारी छ।
