प्रधानमन्त्री ओलीको अभिव्यक्ति निरंकुशताको शुरूआत – डा. कोइराला
काठमाडौँ । नेपाली कांग्रेसका नेता डा. शेखर कोइरालाले प्रधानमन्त्री केपी शर्मा ओलीका पछिल्ला अभिव्यक्ति निरंकुशताको शुरूआत भएको टिप्पणी गरेका छन् । विराटनगरमा आज (मंगलबार) आयोजित एक कार्यक्रमलाई सम्बोधन गर्दै कोइरालाले प्रधानमन्त्रीको अभिव्यक्ति निरंकुशताको शुरूआत भएको टिप्पणी गरेका हुन् ।
एमाले अध्यक्षसमेत रहेका प्रधानमन्त्री ओलीले जेठ १५ गते राजसंस्था पक्षधरको प्रदर्शनलाई लक्षित गरेर प्रतिवादमा उत्रिन कार्यकर्तालाई निर्देशन दिएका थिए । जेठ १५ गते काठमाडौं एमालेको नियन्त्रणमा हुनुपर्ने ओलीले बताएका थिए । कांग्रेस पदाधिकारी बैठकमा प्रधानमन्त्री ओलीको अभिव्यक्तिबारे छलफल हुनुको साटो आफ्नो बारेमा छलफल भएको समेत उनले बताए ।
