काठमाडौं । सोमबार चाँदीको मूल्यमा नयाँ रेकर्ड बनेको छ । नेपाल सुनचाँदी व्यवसायी महासंघले चाँदीको मूल्य प्रतितोला २३५५ रुपैयाँ तोकेको छ । अघिल्लो दिनको तुलनामा चाँदीको मूल्य ५ रुपैयाँ बढेको हो । यद्यपि आजको मूल्य अहिलेसम्मकै उच्च हो । यसअघि गत साउन ७ गते र हिजो आइतबार प्रतितोला २३५० रुपैयाँमा चाँदीको कारोबार भएको थियो ।
चाँदी महँगिदा पनि सुनको भाउ घटेको छ । सुन तोलामा ३ सय रुपैयाँ घटेको महासंघले जनाएको छ । आजका लागि महासंघले सुनको भाउ प्रतितोला १ लाख ९७ हजार २ सय रुपैयाँ तोकेको छ । अघिल्लो दिन १ लाख ९७ हजार ५ सय रुपैयाँ थियो । सुनको भाउ यसअघि साउन २३ गते हालसम्मकै उच्च १ लाख ९९ हजार ४ सय रुपैयाँ पुगेको रेकर्ड छ ।
