काठमाडौं । बालबालिकालक्षित रियालिटी शो ‘नेपाल किड्स आइडल’ हुने भएको छ । जय मिडिया मेनेजमेन्टको आयोजनामा हुने शोमा ५ देखि १५ वर्ष उमेर समूहका बालबालिकाले सहभागिता जनाउन पाउनेछन् ।
जय मिडियाका संस्थापक जयराज रायले नेपालका सबै जिल्ला र भारतका सिक्किम, दार्जिलिङ, आसाम, देहरादुनलगायत स्थानमा अडिसन गरी उत्कृष्ट बाल प्रतिभाको खोजी गर्ने बताए ।
फागुनबाट अडिसन सुरु हुनेछ । शोमा विजेतामध्ये पहिलोले १० लाख, दोस्रोले पाँच लाख, तेस्रोले तीन लाख र चौथोले दुई लाख रुपैयाँ नगद पुरस्कार पाउनेछन् ।
