कार्तिक २,
शनिबार पर्सा प्रहरीले २३ किलो अवैध सुन बरामद भएको दावी गरेको दुई घण्टापछि फेरि आफुहरुले सुन नभएर नक्कली सुन बरामद गरेको र उक्त सामान बरामद गर्दा आफुहरु सुन भन्ठानेर झुक्किएको प्रहरी समुहको दावी छ । शनिबार अपराह्न ४ बजेर १३ मिनेटमा २२ किलो ६७५ ग्राम सुन बरामद गरेको समाचार भाइरल बनेको थियो । पर्सा प्रहरीले पठाएको विज्ञप्तिबाट सबैले करिब २० करोड मूल्यको सुन बरामद भएको समाचार दिएका थिए ।
तर, पर्सा प्रहरीले दुइ घण्टापछि विज्ञप्ति सच्याउँदै उक्त वस्तु सुन नभएर नक्कली सुन अर्थात् सुनजस्तो देखिने बस्तु बरामद भएको जनाएको छ । बरामद हुनासाथ सुन भनेर विज्ञप्ति पठाएको पर्सा प्रहरीले नै साँझ ६ बजेर २१ मिनेटमा अर्को विज्ञप्ति पठायो । जसमा उल्लेख थियो, २२ किलो ६७५ ग्राम सुन बरामद भएको भनिएकोमा सुन नभएर नक्कली सुन अर्थात् सुनजस्तो देखिने पदार्थ भएकाले सच्याइएको उल्लेख छ ।
यसअघि पनि सुन बरामद भएर पितल बनेको धेरै घटनाहरू भएका कारण यसमा पनि धेरैले शंका गरेका छन । यद्यपी विस्तारै सबै तथ्यहरू बाहिर आउँदै जानेनै छ कि भन्नेमा आशावादी होऔं ।
प्रतिक्रिया दिनुहोस