Logo
सोमबार, असोज २६ गते २०८३
images
राजनीति
समाचार
विचार ब्लग
अर्थतन्त्र
अन्तर्वार्ता
खेलकुद
मनोरञ्जन
विश्व
  • प्रदेश
    • अखबार दैनिक टिभी
  • अन्य
    • सोमबार, असोज २६ गते २०८३

    विशेष प्रकृतिका विद्यालयलाई शिक्षा ऐनमा समेट्नुपर्नेमा जोड

    विशेष प्रकृतिका विद्यालयलाई शिक्षा ऐनमा समेट्नुपर्नेमा जोड

    अखबार दैनिक
    सोमबार, असोज २६ २०८३
    • विशेष प्रकृतिका विद्यालयलाई शिक्षा ऐनमा समेट्नुपर्नेमा जोड
    काठमाडौँ, २६ असोजः विशेष प्रकृतिका विद्यालयलाई शिक्षा ऐनमा समेट्दै स्वायत्त र प्रभावकारी रूपमा सञ्चालन गर्ने व्यवस्था गर्नुपर्नेमा सरोकार भएकाहरूले जोड दिएका छन् । शिक्षा तथा खेलकुद मन्त्रालयले शिक्षा ऐन तर्जुमाका लागि रायसुझाव सङ्कलन गर्ने क्रममा विशेष उद्देश्यले स्थापित विद्यालयका पदाधिकारी तथा सरोकार भएकासँग गरेको छलफलमा यस्तो सुझाव दिइएको हो ।    
        
    सिंहदरबारस्थित मन्त्रालयमा शिक्षामन्त्रीका प्रमुख सल्लाहकार शैलेन्द्र झाको अध्यक्षतामा बसेको बैठकमा विशेष प्रकृतिका विद्यालयको सञ्चालन तथा व्यवस्थापन, नीतिगत र कानुनी व्यवस्था, आर्थिक व्यवस्थापन र पठनपाठनको गुणस्तरलगायत विषयमा छलफल भएको थियो ।    
        
    छलफलमा यस्ता विद्यालयलाई राष्ट्रिय विद्यालय शिक्षा प्रणालीको मूलधारमा समाहित गर्न आवश्यक कानुनी तथा नीतिगत व्यवस्था गर्नुपर्नेमा जोड दिइएको थियो । साथै, विद्यालय सञ्चालनमा तीनै तहका सरकारबीच समन्वय कायम गर्ने, प्रशासनिक प्रक्रियालाई जवाफदेही बनाउने र उपयुक्त सञ्चालन ढाँचा निर्धारण गर्ने विषयमा पनि छलफल भएको थियो ।    
        
    प्रमुख सल्लाहकार झाले विशेष प्रकृतिका विद्यालयको सञ्चालन तथा व्यवस्थापनलाई नीतिगत रूपमा सम्बोधन गर्न र भविष्यको सञ्चालन ढाँचा तय गर्न सम्बन्धित विद्यालयका पदाधिकारीसँग छलफल गरिएको बताउनुभयो ।    
        
    मन्त्रालयका सहसचिव शिवकुमार सापकोटाले विशेष उद्देश्यले स्थापित विद्यालयलाई थप प्रभावकारी रूपमा सञ्चालन तथा व्यवस्थापन गर्न आवश्यकताअनुसार नीतिगत र संरचनागत सुधार गरिने बताउनुभयो ।    
        
    छलफलमा सैनिक विद्यालय, प्रहरी विद्यालय, एसओएस विद्यालय, निजामती विद्यालय, गण्डकी बोर्डिङ स्कुल, बुढानिलकन्ठ स्कुल र सहिद स्मृति विद्यालयका प्रतिनिधिको सहभागिता थियो ।    
        
    सहभागी विद्यालयका प्रतिनिधिहरूले द्वन्द्वपीडित बालबालिकाको शिक्षामा पहुँच सुनिश्चित गर्न स्थापना गरिएका विद्यालयमा विद्यार्थी सङ्ख्या वृद्धि गर्न नसकिएको, शिक्षक दरबन्दी अभाव रहेको र व्यवस्थापकीय कठिनाइ भोग्नुपरेको गुनासो गरेका थिए ।    
    उनीहरूले विशेष प्रकृतिका विद्यालयलाई शिक्षा ऐनमै सम्बोधन गर्नुपर्ने, स्वायत्त रूपमा सञ्चालन गर्न पाउने व्यवस्था गर्नुपर्ने र एउटै संरचनाभित्र गुणस्तरीय शिक्षा प्रदान गर्ने प्रणाली विकास गर्नुपर्नेमा जोड दिएका छन् । रासस
     

    प्रतिक्रिया दिनुहोस

    write your comment
    Anonymous
    0/1000
    Your information is secure and private
    0

    No Comments Yet

    Be the first to comment!

    थप समाचार

    भर्खरै

    ट्रेन्डिङ

    सम्पर्क

    फ्युचर हव मिडिया मल्टिप्रपोज प्रा. लि.

    अनामनगर, एकता मार्ग, काठमाडौं ।

    सुचना तथा प्रसारण विभाग दर्ता नं. :  २०३ / ०७३/७४

    प्रेस काउन्सिल सूचीकरण नं.: १३१ / ०७२/०७३

    समचारको तथा लेख रचनाको लागि - [email protected]

    विज्ञापनको लागि - [email protected]

    फ़ोन न. ०१-४१०२८५५, ४१०२६८०, ९८५११४३८८०

    हाम्रो टिम

    अध्यक्ष : कृष्ण प्रसाद घिमिरे

    सम्पादक: मिना अधिकारी

    प्रबन्धक : अशोक घिमिरे

    काठमाण्डौं डेस्क : रेविका सुर्खेती

    पोखरा डेस्क: बिजन अधिकारी

    लेखा व्यवस्थापक : रञ्जन अधिकारी

    बजार व्यवस्थापक:

    लक्ष्मी अर्याल
    लक्ष्मण अधिकारी

    हाम्रो बारेमा

    © 2026 All right reserved to akhabardainik.com  | Site By : Sobij