काठमाडौंँ । स्वरसम्राट नारायण गोपाल गुरुवाचार्यको स्वर तथा संगीत रहेको कालजयी गीत ‘केहि मिठो बात गर’ रेकर्ड भएको ३५ वर्षपछि म्युजिक भिडियो निर्माण भएको छ । कालीप्रसाद रिजालको शब्द रहेको गीत स्वरसम्राट नारायण गोपालले विसं २०४५ मा म्युजिक नेपालको स्टुडियोमा रेकर्ड गराएका थिए ।
नारायणगोपाल संगीत कोषसँंगको सहकार्यमा म्युजिक नेपालले भिडियो निर्माण गरेको हो । म्युजिक भिडियोमा अभिनेत्री केकी अधिकारी र मोडल दीपक भट्टको अभिनय छ । सुव्रत आचार्यको निर्देशन रहेको भिडियोमा बिजेश पौडेलको सम्पादन र उत्सव दाहालको छायांकन छ ।
प्रतिक्रिया दिनुहोस