नेपाली कांग्रेस चितवनका युवा नेता एवं लेखक कैलाश कोइरालाले नयाँ कविता संग्रह पुस्तक बजारमा ल्याउँदै छन् । धर्म, संस्कृतिलाई रक्षा गर्ने उद्देश्यले कविता संग्रह ‘प्रेम शङ्कु’ पुस्तक कोइरालाले बजारमा ल्याउन लागेका हुन् ।
यहीँ शनिबार विहान १०ः३० बजे देवघाटस्थित वागेश्वरि आध्यामिक परिषद, योग नरहरिनाथ चिकिस्सालय परिसरमा पुस्तक विमोचन गर्न लागिएको लेखक कोइरालाले जानकारी दिए । विपि पुत्र नेपाली कांग्रेसका पूर्व महामन्त्री डा.शशांक कोइरालाले पुस्तकको विमोचन गर्ने कार्यक्रम रहेको छ ।
कविता संग्रहमा रहेको कविताको एक अंश लेखक कोइरालाले सामाजिक संजालमा सार्वजनिक गरेका छन् ।
सार्वजनिक अंश यस प्रकारको छ ।
देवभुमि मा चर्च बनाएर
तीर्थस्थलमा खिष्ट भजन छ
देशमा दुराचार भष्टचार छ
दस्यू दल मातृभूमिको व्यापारी छ
जनजीवन सम्पति रक्षक
स्वंय आफै भक्षक भैराखेको छन्
अर्ति शिक्षा–दिक्षा होईन
निष्पक्ष परीक्षा, आत्मा परीक्षा होइन
त्याग, तपस्या, तितिक्षा होइन
त्यो मातृभुमिको रक्षा होईन
एक मात्र हो ?
जाग्रत ! जाग्रत ! जाग्रत !
